Other Translations: Deutsch , ру́сский язы́к
From:
Saṁyutta Nikāya 37.3 Linked Discourses 37.3
1. Paṭhamapeyyālavagga 1. Abbreviated Texts
Āveṇikadukkhasutta Particular Suffering
“Pañcimāni, bhikkhave, mātugāmassa āveṇikāni dukkhāni, yāni mātugāmo paccanubhoti, aññatreva purisehi. “Mendicants, there are these five kinds of suffering that particularly apply to ladies. They’re undergone by ladies and not by men.
Katamāni pañca? What five?
Idha, bhikkhave, mātugāmo daharova samāno patikulaṁ gacchati, ñātakehi vinā hoti. Firstly, a lady, while still young, goes to live with her husband’s family and is separated from her relatives.
Idaṁ, bhikkhave, mātugāmassa paṭhamaṁ āveṇikaṁ dukkhaṁ, yaṁ mātugāmo paccanubhoti, aññatreva purisehi. This is the first kind of suffering that particularly applies to ladies.
Puna caparaṁ, bhikkhave, mātugāmo utunī hoti. Furthermore, a lady undergoes the menstrual cycle.
Idaṁ, bhikkhave, mātugāmassa dutiyaṁ āveṇikaṁ dukkhaṁ, yaṁ mātugāmo paccanubhoti, aññatreva purisehi. This is the second kind of suffering that particularly applies to ladies.
Puna caparaṁ, bhikkhave, mātugāmo gabbhinī hoti. Furthermore, a lady undergoes pregnancy.
Idaṁ, bhikkhave, mātugāmassa tatiyaṁ āveṇikaṁ dukkhaṁ, yaṁ mātugāmo paccanubhoti, aññatreva purisehi. This is the third kind of suffering that particularly applies to ladies.
Puna caparaṁ, bhikkhave, mātugāmo vijāyati. Furthermore, a lady gives birth.
Idaṁ, bhikkhave, mātugāmassa catutthaṁ āveṇikaṁ dukkhaṁ, yaṁ mātugāmo paccanubhoti, aññatreva purisehi. This is the fourth kind of suffering that particularly applies to ladies.
Puna caparaṁ, bhikkhave, mātugāmo purisassa pāricariyaṁ upeti. Furthermore, a lady provides services for a man.
Idaṁ kho, bhikkhave, mātugāmassa pañcamaṁ āveṇikaṁ dukkhaṁ, yaṁ mātugāmo paccanubhoti, aññatreva purisehi. This is the fifth kind of suffering that particularly applies to ladies.
Imāni kho, bhikkhave, pañca mātugāmassa āveṇikāni dukkhāni, yāni mātugāmo paccanubhoti, aññatreva purisehī”ti. These are the five kinds of suffering that particularly apply to ladies. They’re undergone by ladies and not by men.”
Tatiyaṁ.